Zum lache
Si finde s zämesi
so guet.
Doch leider – d
fantasie, die rueht.
Si diskutiered
lang veruss.
Si fassed aber kei
entschluss.
Si lönd sech
eifach so la gah.
Si wüssed nid, was
mache.
Do schloot där
eint dä näggel a.
Jetzt händ si
öppis z lache.
Si ziend
glangwiilet umenand.
Si inschpiziered
än heftlischtand.
Där einti redt vo
fründschaftsbruch.
Där zwöit verhunzt
än wärbeschpruch.
Die andre mached
sech nüüt druus.
Si wüssed nid, was
mache.
Do schtolperet där
eint über s trottoir uus.
Jetzt händ si öppis
z lache.
S wird langsam
dunkel, d nacht bricht ie.
Mer gseht si
wiiter umezie.
Si halte da, si
halte det.
S wird langsam
chüel, s wird nid vil gredt.
Mer weiss ja gnau,
wie s mit eim schtaht.
Si wüssed nid, aws
mache.
Do riisst äm einte
d hosenaht.
Jetzt händ si
öppis z lache.
Si hocke schliesslech
ine beiz.
Doch das hät au
ken bsundre reiz.
Där eint
schtudiert luut amne witz.
Doch das haut
niemert vo dä sitz.
Dänn d würkig isch
im lärm verpufft.
Si wüssed nid, was
mache.
Do entwiicht äm
einte gärigsluft.
Jetzt händ si
öppis z lache.