Sit diese
obe inne wont,
goht nüüt
me, wie bis anhin gwont.
Er isch
zwar erscht sit churzem da,
doch goht
en d huusordnig nüüt a.
Er lost am
obä luute pop,
do gönd äm
undre d närve hopp.
Er dänkt:
„I rede mit däm maa,
dänn so
chas gwüss nid wiiter ga!“
Drum haut
är eis a d decki ue
und schlaat
verärgret s fänschter zue.
Dä obe
dänkt: „Das goht doch nöd!“
schtellt d
musig lüüter, schtampft wie blöd,
dass diese
undä schimpft und fluecht
und
fluchtartig druuf s wiite suecht.
Bim wägga
haut er drum mit gwalt
d huustüre
zue, dass s zümftig knallt.
Dä obe
dänkt: „Däm säg i s no!
Dänn so
öppis dörf nümm vorcho!“
Drum chläbt
är schnäll äs blatt papier
äm undre a
si wonigstür
und
schriibt druf: „Mach nicht lärm im haus,
sonst
schmeissen wir dich alle raus!“
Druf seit
der under där frau Roth,
dass dä vo
obe i s bordell goht.
Dä obe
schnarchlet immer z nacht,
was dä vo
unde wüetig macht.
Us däm
grund dänkt dä undedra:
„I hueschte luut, so merkt dä maa,
dass er
komplett dernäbe isch.“
Dä obe
rumplet mit äm tisch
nach
mitternacht, so dass es kracht,
und dä vo
unde dure macht.
Där under
putzt d wöschchuchi schlächt.
Där ober
findt: „Das isch nöd rächt“,
und
schtellt verstimmt druuf tagelang
all
güselsäck nur no in gang.
Das närvt
dä unde und bald druuf,
schlitzt är
ganz heimlech all säck uuf.
Und so goht
s wiiter, jahr für jahr,
si grote
sech no fascht i d haar.
Dä undä
macht hüüfig äs fäscht,
das git däm
obedra dä räscht.
Er rüeft
drum immer: „Gebed rue,
suscht
schalt i d polizei derzue!“
Mit soneim
z läbe, isch kei schläck.
Drum schiebt där ober chatzedräck
däm unde in
briefchaschte ie.
Dä unde
seit: „Das miecht i nie!
Beschpräche
mer s doch bim ne bier!“
„Für das
bruucht s sicher mindschte vier!“
meint dä vo
obe. Doch wiso
chönt mer
nid ändlech einig go?
Die beide
gönd druuf mitenand
go bächere
i s reschterant.
Si rede
frank und frei sofort
vo auto,
fraue und vom schport.
Där under
schtellt im schtägehuus
sis
wunderschöne töffli uus.
Drum
schmieret druf där oberi
dä sattel
mit schuewichsi ii.
Där under
schpilt jetzt saxophon,
wänn diese
isch am telefon.
Nach zäh
jahr zieht där ober uus
und chauft
sech äs nätts reiehuus.
Det lost är
duurend luute pop.